الـنـايـف مشرف المنتدى
المساهمات : 5 تاريخ التسجيل : 31/03/2008
| موضوع: قصيده فى مدح الرسول صلى الله عليه وسلم الإثنين مارس 31, 2008 10:28 am | |
|
| فعت سمر الجدايل وانتخت بالقذلـة الهلّـة *تبي مني عروسٍ للقصيد ازريت لاغويهـا
| ويوم اني لقيت لْها الخلوج وجيت ابا اوصله* تنحرك الكـلام اللـي فهقهـا دون مغليهـا
| خضع لك راس مسبوق القصايد وانحنى كلّه *وانا بك شاعر الدنيـا ومشغلهـا وماليهـا
| يذكرني رحيلك مجلسٍ باقـي علـى حلـه* مداهيل الرجال اللـي تنومسنـا مواطيهـا
| هنا سليت سيفٍ يوفي الثاريـن مـن سلّـة *هنا علقت رمحٍ يطعـن الجـوزا ويطفيهـا
| هنا بينت مصحفـك الكريـم ودلنـا دلّـه* معك نبدا مواعيـد الكـلام وننتهـي فيهـا
| هنا ساقيت غصنٍ من غلا كنّا تحت ظلـه *نسولف بالغنـا يابايـع الدنيـا وشاريهـا
| هنا كان الرجل جبال ما تقبل خنـا الزلّـة* عمايمها سحـاب وابلـة باقـي مواضيهـا
| رجالٍ لو تشوف الما غدر مـا شربتـه *لله نبت عشب الرضا ياسيدي بأول مغازيهـا
| هل التوحيد وكنوز العلوم ونصـرة الملـة* رجالٍ يضحك التاريـخ لاولهـا وتاليهـا
| هنا ماضيك ورياض الخليل اللي رعى خله *شربنا عذبها مـدري لعبنـا فـي مغانيهـا
| هنا..تخنقني العبرة وانا اكتب يارسـول الله *على قبرك نسيت الناس حاقدهـا وحانيهـا
| وهو قبرٍ يتيه مـن الفخـر بالبيـد وتجلّـه *على حسدٍ تبين مـن سمايمهـا وصاليهـا
| ويهناك الوفا قبرٍ يضمك فـي ثـرى تلّـه *مدامه بين فردوس الجنان وبيـن منشيهـا
| وانا لامن ذكرت فراقك اللي في يدي غلّـة *نسيت ان الليالـي شيبتنـي مـن بلاويهـا
| على بعد الزمان اللي يعقد الحبـل ويحلّـه* لى مني ذكرتك طاحت الدمعـة وراعيهـا
| سلام الله ماهـز الصبـا نسرينـه وفلّـه *على الطفل اليتيم اللي عطا الدنيـا معانيهـا
| الشاعر/ خالد العتيبي | |
|
رجل الملياردير مدير المنتدى
المساهمات : 18 تاريخ التسجيل : 27/03/2008
| موضوع: رد: قصيده فى مدح الرسول صلى الله عليه وسلم الخميس أبريل 03, 2008 5:13 am | |
| صح لسانك وشكرن لك على نقل القصيدة واصل ابداعك | |
|
مدريدي متعصب مشرف قسم الرياضي
المساهمات : 16 تاريخ التسجيل : 30/03/2008
| موضوع: رد: قصيده فى مدح الرسول صلى الله عليه وسلم الخميس أبريل 03, 2008 5:19 am | |
| صح لسانك ... مشكوور اخوي على القصيدة... جات في وقتها... | |
|